दोस्रो मोना ईताबासि नेपाल फेस्टिवल: तयारीदेखि समापनसम्मको मेरो अनुभव, सिकाइ र भावनात्मक समीक्षा

 

दोस्रो मोना ईताबासि नेपाल फेस्टिवल: तयारीदेखि समापनसम्मको मेरो अनुभव, सिकाइ र भावनात्मक समीक्षा

◾️ समग्रमा मेरो व्यत्तिगत धारणा 【Overall Impression 全体的な印象】

 दोस्रो मोना फेस्टिवल नेपाल र जापानबीचको सांस्कृतिक, सामाजिक तथा भावनात्मक सम्बन्धलाई सुदृढ बनाउने महत्वपूर्ण माध्यमका रूपमा स्थापित भएको छ। जापानमा बसोबास गर्ने म्याग्दीवासी तथा सम्पूर्ण नेपाली समुदायको सक्रिय सहभागिताले यस कार्यक्रमलाई अझ अर्थपूर्ण बनाएको छ। यसले नेपाली कला, संस्कृति, परम्परा र पहिचानलाई अन्तर्राष्ट्रिय स्तरमा उजागर गर्दै जापानी समुदायसँगको आपसी समझदारी र मित्रतालाई अझ बलियो बनाएको देखिन्छ।

◾️ तयारी 【Preparation 準備】（６月 अघिदेखि）

* प्रारम्भिक चरणदेखि नै उत्साह र स्पष्ट उद्देश्य देखिनु

* नेपाल–जापान सांस्कृतिक सेतु निर्माण गर्ने दृढ सोच

* समुदाय, स्वयंसेवक र आयोजकबीच सहकार्यको भावना

* कार्यक्रम सफल बनाउन देखिएको प्रतिबद्धता

◾️ प्रक्रिया (Process プロセス)

* तयारीदेखि सञ्चालनसम्म निरन्तर प्रयास र सक्रिय सहभागिता सराहनीय रह्यो।

* सहकार्य देखिए पनि आन्तरिक समन्वय अझ स्पष्ट हुन आवश्यक देखियो।

* केही तयारी कमजोरीका कारण कार्यान्वयनमा चुनौती देखियो।

◾️ कार्यक्रमको मुख्य दिन (Main Event 本番)

* नेपाली तथा जापानी कला, संस्कृति, परम्परा र परिकारहरूको आकर्षक प्रस्तुति

* म्याग्दीका स्थानीय उत्पादन तथा जानकारीमूलक स्टलहरूको प्रभावकारी प्रदर्शन

* रवि कार्की, नेपाली,जापानीहरुको समूहको उत्कृष्ट सांगीतिक प्रस्तुति (मुख्य आकर्षण)

* जापानी स्वयंसेवक तथा कलाकारसँगको उत्कृष्ट समन्वय

* अनुकूल मौसमले कार्यक्रमलाई थप सफल बनायो

◾️ स्टेज तथा प्राविधिक पक्ष (Stage & Technical ステージ・技術面)

* स्टेजको दिशा उपयुक्त नभएकाले फोटो तथा भिडियो प्रभाव कमजोर रह्यो

* साउन्ड सिस्टममा समस्या (कुरा स्पष्ट नसुनिने)

* प्राविधिक तयारीमा अझ सुधार आवश्यक

◾️ सुविधा तथा व्यवस्थापन (Facilities & Management 設備・運営)

* बस्ने तथा सुत्ने (民泊) व्यवस्थाले राम्रो भयो

* सरसफाइ र सुरक्षा व्यवस्थामा सुधार

* खाना, कपडा तथा अन्य स्टलहरू आकर्षक र प्रभावकारी

* शौचालय व्यवस्थापनमा समस्या

* कार्यक्रम केही हदसम्म व्यक्ति–केन्द्रित देखियो

* कम्युनिकेशन अभावले केही असन्तुष्टि देखियो

◾️ सुरुवात र समापन (Opening & Ending 開会式解）

* पहिलो चदिन उद्घाटन ढिलो भए पनि, त्यसपछि कार्यक्रम व्यवस्थित हुँदै गयो

* दोस्रो दिन सहभागिता सन्तोषजनक रह्यो

* समयमै समापन हुनु सकारात्मक पक्ष

◾️ राम्रो पक्षहरू (Positive Points 良かった点)

* नेपाल–जापान सांस्कृतिक आदान–प्रदानको सशक्त मंच

* विविध सांस्कृतिक तथा सांगीतिक प्रस्तुतीहरू

* म्याग्दीका स्थानीय उत्पादन र जानकारीमूलक स्टलहरू

* सरसफाइ, सुरक्षा र बसोबास व्यवस्थामा सुधार

* जापानी समुदायसँगको सहकार्य र समन्वय

* अनुकूल मौसम र उत्साहजनक सहभागिता

◾️कमजोरीहरू  (Weak Points 課題)

* तयारी र व्यवस्थापनमा कमजोरी

* साउन्ड सिस्टम समस्या

* स्टेजको अनुचित दिशा

* शौचालय व्यवस्थापन कमी

* कम्युनिकेशन र समन्वय कमजोरी

* कार्यक्रम केही व्यक्ति–केन्द्रित हुनु

◾️ सुधारका बुँदाहरू (Improvement Points 改善提案)

* दीर्घकालीन योजना र स्पष्ट जिम्मेवारी

* प्रभावकारी कम्युनिकेशन प्रणाली

* गुणस्तरीय प्राविधिक व्यवस्थापन

* स्टेज तथा दृश्य व्यवस्थापन सुधार

* समावेशी र समूहिक सहभागिता वृद्धि

* आधारभूत सुविधा (विशेषगरी शौचालय) मा सुधार

◾️निष्कर्ष (Conclusion 結論)

यो फेस्टिवल केवल मनोरञ्जनको कार्यक्रम मात्र नभई, नेपाल र जापानबीचको मित्रता, सम्मान र सांस्कृतिक एकताको सजीव प्रतीक बनेको छ। केही चुनौतीहरू हुँदाहुँदै पनि, यसले दिएको अनुभव, सिकाइ र भावनात्मक ऊर्जा अत्यन्त प्रेरणादायी रह्यो।

आगामी दिनहरूमा अझ सुदृढ तयारी, समन्वय र व्यवस्थापनका साथ यो फेस्टिवल अझ उत्कृष्ट, व्यवस्थित र अन्तर्राष्ट्रिय स्तरमा प्रभावशाली बन्ने विश्वास गरिएको छ।

नेपाल र जापानबीचको सम्बन्धलाई अझ सुमधुर, सशक्त र दीर्घकालीन बनाउन यस्ता कार्यक्रमहरूले महत्वपूर्ण भूमिका खेलिरहून् भन्ने कामना सहित—

 धन्यवाद 🙏

चोचाङ्गी तुल बहादुर 

古代太鼓が響く国際交流の祭典 ― ネパール・モナフェスティバル in 赤塚山公園

 

 東京都板橋区の赤塚山公園にて、4月11日・12日の2日間にわたり開催された「ネパール・モナフェスティバル」は、文化と交流が融合した大変意義深いイベントとなりました。

 本フェスティバルでは、ネパール文化の紹介に加え、日本の歴史ある伝統芸能である古代太鼓の演奏が披露されました。力強くも繊細な響きを持つ大太鼓の音色は、会場全体に深い感動をもたらし、その卓越した技術と迫力ある演奏に、多くの観客が魅了されました。

 会場には、ネパール人と日本人をはじめとする多くの来場者が訪れ、子どもから大人まで幅広い世代が一体となって盛り上がりを見せました。音楽や舞踊、文化体験を通じて、国境を越えた心の交流が自然と生まれ、笑顔と拍手に包まれる温かな空間が広がっていました。

  本イベントは、異なる文化を尊重し合いながら相互理解を深める貴重な機会となり、地域社会における国際交流の重要性を改めて感じさせるものとなりました。今後もこのような取り組みが継続され、より多くの人々が文化の魅力に触れ、交流の輪が広がっていくことが期待されます。

Chochangi Tool 

सपना, संघर्ष र अभिरल यात्रा महावीर पुनको आत्माकथाको किताब मोना फेस्टिवल जापान मा उपल्व्ध हुने

 

सपना, संघर्ष र संस्किृतिक पहिचान महावीर पुनको आत्माकथाको किताब  मोना फेस्टिवल जापान उपल्व्ध हुनेछ ।

 Mahabir Pun को जन्मभूमि म्याग्दीको माटो र पहिचानसँग गाँसिएको उहाँको प्रेरणादायी आत्मकथा “महावीर पुन: सम्झना, सपना र अविरल यात्रा” ले हामीलाई एउटा गहिरो सन्देश दिन्छ—सपना देख्ने साहस, निरन्तर मेहनत र समाजप्रतिको समर्पण भए असम्भव पनि सम्भव हुन्छ। म्याग्दीको सानो गाउँबाट सुरु भएको उहाँको संघर्षपूर्ण यात्रा, गाउँ–गाउँमा प्रविधि पुर्‍याएर शिक्षा, स्वास्थ्य र सूचना क्षेत्रमा गरेको योगदान आज विश्वकै लागि प्रेरणाको स्रोत बनेको छ।

 यही प्रेरणादायी भावना, माटोको सुगन्ध र म्याग्दीको पहिचानलाई बोकेर दोस्रो मोना फेस्टिवल जापान आगामी अप्रिल ११ र १२ तारिखमा टोकियोमा भव्य रूपमा आयोजना हुँदैछ। यस विशेष फेस्टिवलमा नेपाली कला, संस्कृति, संगीत, नृत्य तथा परम्पराको जीवन्त प्रस्तुति रहनेछ, जसले नेपाल र जापानबीचको मित्रतालाई अझ प्रगाढ बनाउनेछ। साथै, यस कार्यक्रममा महावीर पुनको प्रेरणादायी आत्मकथा को किताब पनि दुवै दिन सबैका लागि उपलब्ध रहनेछ।

 महावीर पुनको जीवनले सिकाएझैँ—“ठूलो सपना देखौँ, निरन्तर प्रयास गरौँ र समाजका लागि केही गरौँ” भन्ने भावनालाई आत्मसात गर्दै, यो फेस्टिवल केवल मनोरञ्जनको माध्यम मात्र नभई प्रेरणा, एकता र सांस्कृतिक आदान–प्रदानको उत्कृष्ट अवसर बन्ने विश्वास गरिएको छ।

◾️महावीर पुनको पुस्तक कार्यक्रमका दुवै दिन उपलब्ध रहनेछ।

◾️सम्पूर्ण नेपाली तथा शुभेच्छुक महानुभावहरूलाई उपस्थित भई यस प्रेरणादायी, सांस्कृतिक तथा ऐतिहासिक कार्यक्रममा सहभागी हुन हार्दिक निमन्त्रणा। 

Chochangi Tool 

नेपाल–जापान ७० वर्ष : मित्रता, सहकार्य र भगिनी सम्बन्धको नयाँ अध्याय 🇳🇵🇯🇵

 

नेपाल–जापान ७० वर्ष : मित्रता, सहकार्य र भगिनी सम्बन्धको नयाँ अध्याय 🇳🇵🇯🇵

 नेपाल र जापानबीचको ७० वर्ष लामो कूटनीतिक तथा मैत्री सम्बन्ध आपसी विश्वास, सम्मान र सहकार्यको सुन्दर उदाहरण हो। सात दशकको यात्रामा दुई देशबीच सांस्कृतिक, शैक्षिक, आर्थिक तथा जनस्तरको सम्बन्ध निरन्तर सुदृढ हुँदै आएको छ।

यस ऐतिहासिक अवसरका बीच जापानको Fujinomiya नगर र नेपालको मण्डनदेउपुर नगरपालिका (मण्डनपुर) बीच भगिनी सम्बन्ध स्थापना हुनु अत्यन्तै महत्वपूर्ण र गौरवपूर्ण उपलब्धि हो। यसले दुई देशका स्थानीय तहबीच प्रत्यक्ष सहकार्य, अनुभव आदान–प्रदान र सांस्कृतिक सम्बन्ध विस्तार गर्ने मार्ग प्रशस्त गरेको छ।

उक्त कार्यक्रममा नेपाली चलचित्रका महानायक Rajesh Hamal को गरिमामय उपस्थितिले विशेष महत्व थपेको थियो। उहाँको व्यक्तित्व, योगदान र लोकप्रियताले नेपाली समुदाय मात्र होइन, जापानी मित्रहरूबीच पनि सकारात्मक सन्देश प्रवाह गरेको छ। उहाँको सहभागितालाई दुई देशबीचको सांस्कृतिक सेतुका रूपमा लिइएको छ।

सन् २०२६ मा सम्पन्न अन्तर्राष्ट्रिय आदान–प्रदान कार्यक्रम 国際交流協会को सहकार्यमा सफलतापूर्वक सम्पन्न भएको थियो। कार्यक्रममा नेपाली कला, संस्कृति, भेषभूषा, पर्यटन तथा परम्पराको प्रभावकारी प्रस्तुति गरिएको थियो, जसले जापानी समुदायमा नेपालप्रति थप जिज्ञासा र आत्मीयता जगाएको छ।

जापानी मित्रहरूबीच महानायक राजेश हमालप्रति देखिएको सम्मान र उत्साहले दुई देशबीचको भावनात्मक सम्बन्ध झन् प्रगाढ भएको अनुभूति गराएको छ। त्यसैले उहाँको उपस्थितिलाई भगिनी सम्बन्ध स्थापनाको प्रेरणादायी पक्षका रूपमा हेरिएको छ।

नेपाल–जापान सम्बन्ध केवल कूटनीतिक औपचारिकतामा सीमित छैन, यो हृदयदेखि हृदय जोडिएको आत्मीय मित्रताको सम्बन्ध हो। ७० वर्षको यस गौरवपूर्ण यात्राले अब नयाँ सम्भावना, नयाँ सहकार्य र अझ गहिरो मित्रताको दिशातर्फ अघि बढ्ने विश्वास दिलाएको छ।

Chochangi Tool  

“जितेर फर्किनँ भने लौरोले कुट्नु” —म्यागदीका गाउँ–गाउँमा भोट माग्दै महावीर पुन

 

महावीर पुन : दयामायाले होइन, दृष्टि र योग्यताले भोट दिनुपर्ने नेता

हिमाली जिल्ला म्याग्दीका गाउँ–गाउँमा अहिले महावीर पुन चुनावी प्रचारमा सक्रिय रूपमा हिँडिरहेका छन्। भोट माग्दै जनतासँग भेट गर्दा कतिपयले हाँसो–ठट्टा गर्दै भन्छन्, “जितेर फर्केनौ भने लौरोले कुट्छौँ।” त्यसको जवाफमा महावीर पुन सरल मुस्कानसहित भन्छन्, “जनता, तपाईंहरू नआए कसरी कुट्नु? म त घुम्ने–डुल्ने मान्छे हुँ, तपाईंकै घरमा ढोकामा ढकढक्याएर ढिँडो खाएर पनि आउँछु।”

यो जवाफमै उहाँको सरलता, जनताप्रतिको आत्मीयता र गाउँ–समाजसँगको गहिरो सम्बन्ध प्रस्ट देखिन्छ।

महावीर पुन कुनै साधारण नेता होइनन्। उहाँ पद, प्रतिष्ठा वा सुविधा खोज्दै राजनीतिमा आएका व्यक्ति होइनन्। शिक्षा विधेयकको कानुन पास नभएपछि राजीनामा दिएर सिधै जनताको बीचमा आउनु नै उहाँको इमानदार उद्देश्यको प्रमाण हो। उहाँको मुख्य लक्ष्य स्पष्ट छ— देशको शिक्षा प्रणाली सुधार गर्न, शिक्षा विधेयकको कानुन पास गराउन र शिक्षामार्फत देशको समग्र विकासमा योगदान दिनु।

आज हामी मोबाइल, इन्टरनेट, कम्प्युटर र प्रविधिको संसारमा सहज रूपमा बाँचिरहेका छौँ। तर त्यो सहजता सधैं यस्तै थिएन। जुन बेला काठमाडौँ, पोखरा जस्ता शहरमा पनि मानिसहरूलाई कम्प्युटर भनेको के हो भन्ने राम्रोसँग थाहा थिएन, त्यही बेला महावीर पुनले म्याग्दीका दुर्गम गाउँमा इन्टरनेट जडान गरेर टेलिमेडिसिन सेवा सुरु गराएका थिए। दुर्गम गाउँका बिरामीहरूले शहर नझरी स्वास्थ्य सेवा लिन पाउने वातावरण बनाउनु उहाँको दूरदृष्टिको उदाहरण हो।

जुन बेला घरअगाडि स्कुल भएर पनि पढ्न जानुपर्छ भन्ने चेतना धेरै नेपालीहरूमा थिएन, त्यही बेला महावीर पुनले विश्वका ठूला विश्वविद्यालयमा पढ्न पाउँ भनेर चिठी लेख्दै अवसर खोजिरहेका थिए। उहाँको सोच सधैं आफ्नो मात्र भविष्यका लागि थिएन, उहाँको सोच सधैं गाउँ, समाज र देशका लागि थियो।

त्यसैले महावीर पुनलाई ‘लाटो’ भन्न मिल्दैन।

त्यसैले महावीर पुनलाई ‘सोझो’ भनेर हेप्न मिल्दैन।

उहाँ बाहिरबाट हेर्दा सरल देखिनुहुन्छ, तर भित्र सोच असाधारण छ।

उहाँको दिमाग अहिलेको समयभन्दा धेरै अगाडिको नेपाल सोच्न सक्ने क्षमता राख्छ।

आफूले लेखेको किताब आफ्नै टाउकोमा राखेर बेच्नु, त्यसबाट आएको पैसाले कृषि औजार उत्पादन गर्ने कारखाना सञ्चालन गर्ने सपना देख्नु, किसानका लागि स्वदेशमै उत्पादन प्रणाली विकास गर्ने सोच राख्नु — यो सामान्य सोच होइन। यो एउटा राष्ट्रनिर्माणको सोच हो। यस्तो सोच राख्ने व्यक्ति केवल नेता होइन, राष्ट्रका लागि मार्गदर्शक बन्न सक्छ।

महावीर पुन शिक्षा, प्रविधि, स्वास्थ्य र कृषि क्षेत्रलाई जोडेर देशलाई अगाडि बढाउने सपना देख्नुहुन्छ। उहाँलाई केवल चुनाव जित्ने चासो छैन, उहाँलाई देश जित्ने चिन्ता छ। उहाँलाई आजको मात्र होइन, भोलिको पुस्ताको भविष्यको चिन्ता छ।

त्यसैले जनताले अब स्पष्ट रूपमा बुझ्नुपर्ने समय आएको छ।

महावीर पुनलाई भोट दया लागेर दिनुपर्ने होइन।

महावीर पुनलाई भोट भावनाले मात्र दिने होइन।

महावीर पुनलाई भोट उहाँको दृष्टि, सोच, योग्यता र क्षमताका आधारमा दिनुपर्ने हो।

यो भोट केवल एउटा व्यक्तिका लागि होइन।

यो भोट शिक्षाको भविष्यका लागि हो।

यो भोट गाउँ–गाउँमा विकास पुर्‍याउने सोचका लागि हो।

यो भोट आत्मनिर्भर नेपालको सपना पूरा गर्ने दिशामा हो।

देश भावनाले मात्र चल्दैन।

देश नाराले मात्र बदलिँदैन।

देश बदल्न दृष्टि चाहिन्छ।

देश बदल्न साहस चाहिन्छ।

देश बदल्न भविष्य देख्ने क्षमता चाहिन्छ।

महावीर पुनसँग त्यो दृष्टि छ।

महावीर पुनसँग त्यो साहस छ।

महावीर पुनसँग त्यो भविष्य देख्ने क्षमता छ।

त्यसैले आजको निर्णय सरल छ—

महावीर पुनलाई भोट दयामायाले होइन,

महावीर पुनलाई भोट दृष्टिले,

महावीर पुनलाई भोट योग्यताले,

महावीर पुनलाई भोट देशको भविष्यका लागि दिनुहोस्।

किनकि आज सही निर्णय गरियो भने,

भोलिको नेपाल सही दिशामा अघि बढ्नेछ।

 

世界が富士山メッセに集結！国際交流フェア2026

第38回 国際交流フェア2026 大盛況で開催

2月1日、富士山メッセにて開催された「国際交流フェア2026（第38回）」は、多文化共生をテーマに、さまざまな国や文化を体験できるブースやステージイベントが行われ、会場は多くの来場者で大いににぎわいました。

会場内には、各国の文化紹介ブースや体験コーナー、国際色豊かなステージパフォーマンスが並び、子どもから大人まで楽しめる内容となりました。国際料理ブースでは、各国の本格的な料理が提供され、来場者は「食」を通して世界の文化を味わうことができました。

中でも特に注目を集めたのが、外国人モデルさんによる着物ファッションショー体験コーナーです。事前に多くの予約が入るほどの人気で、日本の伝統衣装である着物を外国人の方々が実際に着用し、ステージで華やかに披露しました。

色とりどりの着物に身を包んだモデルさんたちは、それぞれの個性を生かした美しい着こなしで会場を魅了。来場者からは「とても素敵」「国境を越えて日本文化が伝わっているのを感じた」といった感動の声も多く聞かれました。

この体験コーナーは、単なるファッションショーにとどまらず、日本文化を実際に体験し、交流を深める場として大きな役割を果たしました。多文化共生の理念のもと、国籍や言葉の違いを超えて、人と人とがつながる貴重な機会となりました。

カメラマンとして参加した私にとっても、受付を担当していた高校生ボランティアの元気な対応、迫力あるステージパフォーマンス、個性豊かな各ブース、そして国際色あふれる料理やパフォーマンスの数々は、どれも印象に残る光景でした。

今回の国際交流フェアは、地域に根ざした国際理解と文化交流の大切さを改めて実感させてくれるイベントとなり、今後のさらなる多文化共生活動への期待が高まります。

チョチャンギ 

संघर्षलाई सफलतामा रूपान्तरण गर्दै म्यागदी बेगकी जोया पुन

 

संघर्ष, मेहनत र सफलताको प्रतीक — जोया पुन

सानैदेखि संघर्ष र जीवनका वास्तविकता बुझ्दै हुर्केकी जोया पुनको जन्म बेग, काफलबोट, म्याग्दीमा भएको हो। उहाँले महादेव मावि, बेगबाट माध्यमिक शिक्षा परीक्षा (SEE) उत्तीर्ण गरी पोखरा कन्या क्याम्पसबाट उच्च शिक्षा हासिल गर्नुभएको छ।

गत अक्टोबरमा उच्च शिक्षाका लागि जापान प्रवेश गर्नुभएकी जोया सानैदेखि परिवार, इष्टमित्र, समाज र संस्कृतिप्रति सचेत रहँदै हुर्किनुभएको हो। उहाँ पढाइमा अब्बल, अत्यन्त मेहनती र विद्यालयमा हुने हरेक गतिविधिमा सक्रिय सहभागिता जनाउने विद्यार्थी हुन।

नैतिक शिक्षा, सामाजिक चेतना, नृत्य तथा खेलकुदमा समेत उहाँको उत्कृष्ट रुचि र क्षमता रहेको छ। विशेषगरी भलिबलमा उहाँ निकै सक्रिय रहनुभएको छ। म्याग्दी जिल्लाका प्रायः सबै गाउँहरूमा खेल खेलेको अनुभव उहाँसँग छ। SEE पछि पोखरामा अध्ययनसँगै भलिबलको प्रशिक्षण लिँदै गण्डकी प्रदेशस्तरीय उच्च विद्यालय खेलकुद प्रतियोगितामा समेत सहभागिता जनाउनुभएको छ।

समाज, संस्कार, संस्कृति र परिस्थितिलाई बुझ्ने र सम्मान गर्ने उहाँको स्वभाव सबैका लागि प्रेरणादायी छ। शिक्षामा राम्रो, व्यवहारमा नम्र र मेहनतमा निरन्तर रहँदै आउनुभएको जोया नेपालमै जापानी भाषा N4 लेभल उत्तीर्ण गरेर जापान आउनुभएको हो,यो राम्रै श्रेणी भित्र पर्दछ ।

जापान आएको केवल चार महिनामै विभिन्न अन्तर्राष्ट्रिय कार्यक्रमहरूमा सक्रिय सहभागिता जनाउँदै, साथीसंगी, नातागोता तथा अग्रजहरूसँग ज्ञान र अनुभव साटासाट गर्दै अघि बढिरहनुभएको छ। भाषा र परिस्थितिले उहाँको जोश, जाँगर र क्षमतालाई रोक्न सकेन। हाल उहाँ अध्ययनसँगै अस्पतालको सेवा क्षेत्रमा समेत कार्यरत हुनुहुन्छ।

गाउँ, समाज र परिवारको नाम र इज्जत उच्च राख्दै अझ सफल भविष्यतर्फ अघि बढ्नुभएकोमा उहाँलाई निरन्तर सफलता र उज्ज्वल भविष्यको हार्दिक शुभकामना।

努力と挑戦の象徴 ― ジョヤ・プンさん

ネパール・マグディ県ベグ（カフलबोट）出身のジョヤ・プンさんは、マハデブ中学校でSEEを修了後、ポカラ女子キャンパスで高等教育を修めました。

2025年10月より高等教育のため来日し、現在は日本で学業に励んでいます。

幼少期から努力家で、学業だけでなく、ダンスやスポーツ（特にバレーボール）、社会活動にも積極的に取り組んできました。ガンダキ州レベルの大会に出場した経験もあります。

また、ネパールで日本語能力試験N4に合格して来日し、来日後わずか数か月で国際交流活動にも積極的に参加。現在は学業と並行して、病院のサービス分野でも勤務しています。

努力と向上心を持って、家族・地域・社会の誇りとなる存在として、今後のさらなる活躍が期待されています。

चोचाङ्गी तुल बहादुर

『गेटबाहिर आँसु, हलभित्र इतिहास』 माघे सङ्क्रान्ति पर्व टोक्यो जापान

 

Tokyo नाकानो जेरो हलमा माघे सङ्क्रान्ति विशेष कार्यक्रम ऐतिहासिक रुपमा सम्पन्न 

नेपाल मगर संघ जापानले गत १८ तारिख टोक्योस्थित नाकानो जेरो हलमा आयोजना गरेको माघे सङ्क्रान्ति विशेष सांगीतिक कार्यक्रमप्रति दर्शकहरूको उत्साह महासागरझैँ उर्लिएको थियो। दर्शकको अत्यधिक उपस्थितिका कारण हलले समेत भीड धान्न नसक्ने अवस्था सिर्जना भएको थियो। मगर पोसाकमा सजिएर आएका सहभागीहरूलाई गेटबाहिरै रोकिएको दृश्यले धेरैको आँखा रसाएको थियो। यस घटनाले जापानमा बसोबास गर्ने नेपाली समुदाय, विशेषतः मगर समुदायको सांस्कृतिक चेतना, एकता र माघे संक्रान्ति पर्वप्रतिको गहिरो आकर्षणलाई स्पष्ट रूपमा उजागर गरेको छ।

यही व्यापक जनचासो र उत्साहलाई मध्यनजर गर्दै, आगामी दिनमा काठमाडौँको टुँडिखेल तथा म्याग्दीको बेनीमा आयोजना हुने महोत्सव र माघे संक्रान्ति मेलाको स्वरूपअनुसार जापानमा पनि खुला पार्कमा भव्य माघी फेस्टिवल आयोजना गर्नु अपरिहार्य देखिएको छ।

नेपाल मगर संघ जापानले माघे सङ्क्रान्ति फेस्टिवल आयोजना गर्न सफल भएमा, उक्त माघी फेस्टिवलले मगर समुदायको मौलिक संस्कृति, भाषा, पहिचान र परम्परालाई अन्तर्राष्ट्रिय स्तरमा प्रवर्द्धन गर्ने दृढ विश्वास लिएको छु। कार्यक्रममा सांस्कृतिक प्रस्तुति, परम्परागत नृत्य–संगीत, मौलिक खानाका परिकार तथा विविध सांस्कृतिक गतिविधिहरू समावेश गरी जापानभर मात्र नभई विश्वव्यापी रूपमा प्रचार–प्रसार हुनेछ।

नेपाल मगर संघ जापानले जापानमा रहनु भएका सम्पूर्ण नेपाली दाजुभाइ तथा दिदीबहिनीहरूलाई यस फेस्टिवलको स्वरूपबारे गहिरो मनन र समीक्षा गर्दै सक्रिय रूपमा हातेमालो गरी योजनाहरु  तर्जुमा गर्न हार्दिक अनुरोध गर्दछु ॥

【तुल बहादु चोचाङ्गी पुन】